政情：复赛迎战旅游界 立会足球队惜败

Usdt第三方支付接口（www.trc20.vip）是使用TRC-20协议的Usdt第三方支付平台,Usdt收款平台、Usdt自动充提平台。免费提供入金通道、Usdt钱包支付接口、Usdt自动充值接口、Usdt寄售回收。菜宝Usdt钱包一键生成Usdt钱包、一键调用API接口、一键出售Usdt。

,



立法会过往都会组成足球队，同政府官员、公共机构或社会团体「以波会友」。随住香港迈向疫后复常，停办接近4年嘅足球友谊赛，寻日再度上演。重新组织嘅立法会足球队，首仗迎战旅游界足球体育会，结果以1:2落败。

今次立法会足球队嘅阵容，议员陆颂雄、邱达根都揾埋自己嘅囝囝上阵，即系有两队「父子兵」；而前议员梁志祥就作为外援返嚟帮手。旅游界前议员姚思荣虽然都有穿上红色嘅球队波衫，但佢就同唯一一名出席嘅女议员林琳一样，讲明唔会落场踢，只系场边为球队打气，作用就好似啦啦队咁。

球赛开始前，立法会主席梁君彦话立法会足球发烧友终于重出江湖，相信赛事精彩。佢又话，疫情打击旅游业，但随住香港同内地及海外恢复通关，希望好似今日踢波咁，大脚一踢、踢走疫情、踢走阴霾。佢又扬言赢波嘅话，星期三大会会加𩠌咁话。但其实周三系公布财政预算案嘅日子，而唔系召开大会，咁样又算唔算空头支票呢？

当梁君彦同香港旅游界足球体育会主席萨成伟一齐主持开球仪式，友谊赛正式开始。其实场波都唔少甩辘嘢，例如立法会足球队有人将个波踢咗出界，陆颂雄随即走埋去拎起，然后将个波掟番界内交畀自己个仔，畀人话佢「喂你公正啲呀」、「唔好净系望住自己个仔！」

姚柏良半场换衫惹「放水」嫌疑

面对对方嘅紧密防守，立法会足球队一直久攻不下，即使战况激烈，上半场始终维持0:0，旅游界议员姚柏良竟惹来「放水」嘅嫌疑，事关佢下半场就会换波衫代表旅游界上阵。虽然最后佢都冇代表旅游界出战，但都继续被议员话佢系内鬼。

下半场开波冇耐，立法会龙门就被对方攻破。何俊贤见状即刻换上守门员衫。正当立法会足球队士气低落之际，约十分钟后由外援球员建立「破蛋」奇功，一脚射入对方龙门追平比数。后来邱达根儿子起脚再射入一球，惜球证话越位在先，唔计数。

踢完上半场之后被换出嘅梁志祥，同坐喺场边嘅姚思荣一齐作壁上观，两人都认为赛事将会平手告终。然而临完场前两分钟，负责「守龙」嘅何俊贤失守！议员郭伟强虽趁最后几十秒，单刀疾走带波冲向对方龙门，但射球被对方守门员化解，未能力挽狂澜，无法扭转败局。


转载说明:本文转载自USDT交易平台。